Natura, ikuspegiak eta dibertsioa
Gunetik 3 kilometro ingurura dago, Bilboko aisia-gunerik handienetakoa da. Bilbao BBK Liveren kanpalekua zuhaitzez inguratutako berdegune handi bat da, gutxi gorabehera 120.000 m2-ko azalera du eta 12.000 lagun ingururentzako tokia.
Gozatu hainbat sari jaso dituen kanpamentuaz:
Iberian Festival Awards: Best Camping Site 2016 + 2017
Fest Saria: 3 urtez kanpatzeko gunerik onena (2015 + 2018 + 2022)
Kanpalekuaren arauak
- Kanpin-dendek 8 metro baino gutxiagoko neurria izan behar dute, egokituko ditugun kaleetan sartzeko moduak izan daitezen. Beraz, denda handiagoak ez dira onartuko, ezta aurreraldirik, jaimarik edota antzekorik ere.
- Kanpalekuan langileak egongo dira kaleak antolatzeko, denden banaketa antolatzeko, etab. Antolakuntzak sartzea ukatzeko eskubidea du eta hala beteko du Antolakuntzaren arauak errespetatzen ez dituen edonorekin edota kanpalekuan dagoen jendea gogaitarazten duen edonorekin, baita ere berarentzat edota beste norbaitentzat arriskutsua den zer edo zer egiten duen edonorekin, iskanbilagatik edota pozoituta dagoen edo dirudien edonorekin. Kasu hauetan pertsona bera izango da bere jarreraren erantzule, egindakoa zein ez egindakoaren erantzule, alegia.
- Aurrekoetan bezala, ezin izango da ibilgailuz kanpalekura sartu (roulotteak, karabanak, furgonetak, kotxeak, motorrak…). Ibilgailuak aparkalekuan utzi beharko dira eta jaialdiko esparrura igo jaialdiak doan eskaintzen dituen autobusetan.
- Kanpalekura igotzeko modu bakarra jaialdiak doan eskaintzen dituen autobusetan izango da.
- Guztiz debekatuta dago kanpalekuko esparrutik kanpo kanpatzea, horrek isun administratiboa baitakar.
- Esparru honetan janaria eta edaria sar daiteke (jaialdiko esparruan ez bezala), baina sua egitea debekatzen da, baita ere kanpin-gasak edo horrelakoak erabiltzea. Mesedez, zaborrontziak erabil itzazue.
- Bilbao BBK Livek Green ‘n’ Clean ziurtagiria jaso zuen 2011n. Yourope (The European Festival Association) elkarteak eman zion, ingurumenarekiko duen eginbide eta erantzukizuna dela-eta. Gaur egun ere horretan dihardugu, jaialdiko gune naturalak et Arraiz mendikoak errespetatuz eta, beraz, elkarlanean egotea funtsezkoa da gure helburua berriz lor dezagun.
