Bilbao BBK Live 2021

8/9/10 - 7
2021
KOBETAMENDI

Hemen da berriz Hirian, hau da, Bilbao BBK Live jaialdiaren hiriko atariko tradizionala. 2020 honetan ezer ez da atera pentsatuta zegoen moduan, eta Hirian emanaldiak ere ezin izan genituen egin maiatzean, aurreikusita zegoen bezala. Iritsi da garaia bilbotarrentzat urteko berezienetakoa den ekitaldi bat berreskuratzeko. Udazkenean izango da aurten Hirian ekimena, urriaren 30ean eta 31n, gaur egungo egoerak eskatzen dituen baldintza berrietara egokituta baina zuzeneko musikarekin gozatzeko espiritu berdinarekin eta gogo handiagoarekin, hainbeste hilabetez zuzenekorik gabe egon ostean. Berrikuntza garrantzitsuena zera da, aurten, Hirian bi aldiz handiagoa izango dela, bi egun izango baitira bakarraren ordez, eta zortzi kontzertu, guztira. Agertokia ere aldatuko da; oraingoan ez da Bilboko kaleetan izango, baizik eta kontzertu-areto enblematikoenetan: La Ribera, Itsasmuseum – Nave 9, San Mames Geuria, BBK aretoa eta Azkuna Zentroa Auditoriuma. Kartela, beti bezala, kalitatez eta aniztasunez gainezka dator.

Rodrigo Cuevas, Fuel Fandango, Ana Tijoux, Mujeres edo Cariño artista ezagunek osatzen dute kartela, besteak beste.