Jaialdiak edizio berezia eskainiko du online: sei kontzertu esklusibo eta orain arte argitaratu gabeko kontzertu historikoen sorta bat

Gure karteleko sei talde Kobetamendira igoko dira berariaz diseinatutako kontzertuak eskaintzera, eta guk streaming bidez ikusi ahal izango ditugu

Duela aste gutxi baieztatu genuen Bilbao BBK Live 2020 jaialdiko kartela hurrengo urtera atzeratuko genuela osasun-larrialdia zela-eta. Gaur, udan sartu berri garelarik eta krisialdiaren eragina apurka-apurka ahultzen ari dela kontuan izanik, gero eta zailagoa da guretzat urte oso bat egon behar izatea Kobetamendira igo gabe; horregatik, edizio berezi hau iragartzen dugu, mendian bizitzen den esperientzia erreproduzitzeko asmoz. Bilbao BBK Live UDA ideia batean oinarrituta dago: ezin baduzue Kobetamendira igo, zuen etxeetaraino eramango dugu mendia.

Jaialdia izango zen egunetan, hau da, uztailaren 9an, 10an eta 11ean, Kobetaseko agertokiak zabalduko ditugu zerrendako sei artistarentzat; laster iragarriko dugu zein diren sei artista horiek. Guzti-guztiek egun horretarako berariaz diseinatutako ikuskizunak eskainiko dituzte eta, natura bete-betean izango direnez, Basoa gunean egongo bagina bezala sentituko gara, ilunabarrean saio bat entzuten, Arraiz mendiko igoeran behi eta zaldien ondoan ibiltzen, edo egunsentian hiriaren ikuspegiari begira eta Lasai guneko soinu iradokitzaileak entzuten. Urtero milaka eta milaka bisitari etortzen dira munduko txoko guztietatik; horrela, bada, aurtengoan Bilbao BBK Live jaialdiaren edukiera mugagabea izango da, eta nahi adina tokitatik disfrutatu ahal izango da.

Guztira 12 musika-ordu izango dira hiru gauetan eta, zuzeneko kontzertuez gain, jaialdiaren hamalau edizioetan izan diren baina orain arte sekula argitaratu ez diren emanaldi historikoak ere eskainiko ditugu. Uztailaren 8an, 9an eta 10ean, hau da, osteguna, ostirala eta larunbatean, 21:00etatik aurrera izango dira emanaldiak, www.bilbaobbklive.com webgunean eta jaialdiaren YouTubeko kanalean. Honako hauen laguntzari esker egin ahal izango dugu hori guztia: Bilboko Udala, BBK fundazioa, San Miguel, Beefater, Firestone eta Red Bull.

Emanaldi horrekin batera, Bilbao BBK Live jaialdiaren 2021eko ediziorako sarrerak salgai jarriko dira; artista hauek baieztatuta ditugu jada: The Killers, Pet Shop Boys, Bad Bunny, Bicep Live, Bomba Estéreo, Caribou, FKA twigs, Fontains D.C., Meute, Supergrass, El Columpio Asesino eta León Benavente, eta gehiago ere iragarriko ditugu laster.

 

 

BILBAO BBK LIVE UDA

2020ko uztailaren 9a, 10a eta 11a

www.bilbaobbklive.com

#bilbaobbklive

 

 

BILBAO BBK LIVE 

2021eko uztailaren 8a, 9a eta 10a

Kobetamendi, Bilbo

 

THE KILLERS

PET SHOP BOYS

BAD BUNNY

 

BICEP live

BOMBA ESTÉREO

CARIBOU

FKA twigs

SUPERGRASS

 

AMORANTE

CARIÑO

CHICO BLANCO

EL COLUMPIO ASESINO

FONTAINES D.C.

LEÓN BENAVENTE

MARÍA JOSÉ LLERGO

MEUTE

MOSES SUMNEY

OMAGO

SLOWTHAI

THE MURDER CAPITAL

TINARIWEN

TRIÁNGULO DE AMOR BIZARRO

XABI BANDINI

Sarrerak salgai uztailaren 9tik aurrera, www.bilbaobbklive.com webgunean