joomla templates

prohibidoUdaltzaingoak zirkulazio mozketa egingo du Kobetamendiko sarbiedean, beraz, baimenik gabeko autoek ezin izango dute pasatu.

MERCHANDISING OFIZIALA

lasttourshopBilbao BBK Live jaialdiko merchandising ofizialeko leku bat egongo da, bertan jaialdian jotzen duten taldeen musika, kamisetak eta bestelako produktuak aurkituko dituzu.

ELBARRIENTZAKO GUNEAK

Bi eskenatokietako soinu mahaien alboetan gune garai bat egongo da mugikortasun arazoak dituzten pertsonak kontzertuak ikus ditzaten. Era berean, elbarrientzako autobus egokituak egongo dira.

KOMUNAK

Komun kimikoak egongo dira jaialdiko hainbat lekuetan. Gogora ezazu denok erabiliko ditugula, beraz, aurkitzea gustatuko litzaizukeen bezala uzten saiatu zaitez.

AZOKA

Jaialdiaren barnean azoka bat egongo da era guztietako artikuluekin, arropa, musika…

ADINAREN ARABERAKO MURRIZKETAK

18 urtetik beherakoak heldu batekin baino ezin izango dira sartu. Pertsona hau adingabekoaren segurtasunaren eta ongizatearen erantzulea izango da jaialdiak irauten duen bitartean. Jaialdiaren sarreran, segurtasun-langileak identifikazioa eskatuko du (NANa edo pasaportea).
 

Barrutian ez dago 8 urtetik beherako umeentzako erraztasunik eta jaialdiaren organizaziotik hain ume txikiak hau bezalako jaialdi handi batera joan ez daitezen gomendatzen da, izan ere, ez da eurentzako leku egokia hala musikaren bolumenagatik nola biltzen den jende kopuruagatik. 8 urtetik beherako umeek ez dute sarrerarik erosi behar jaialdira sartzeko.

BESTELAKO OHARRAK

•Ez ahaztu zure dokumentazioa ekartzea.
•Edaten baduzu, badakizu, ez gidatu. Ziur aski alkohol kontrolak egongo dira inguruneetan.
•Txapela eta eguzkirako babesa ekarri, batez ere lehenengo kontzertuetarako.
•Ur asko edan deshidrataziorik ez izateko.
•Beroa egingo du, beraz, arropa eta oinetako erosoak ekarri.
•Debekatuta dago festibalera soinu edota bideo grabadore profesionalekin sartzea (reflex edo teleobjetiboak dituztenak). Kamera domestikoak baino ezin dira sartu, baina flashik gabekoak.
•Segurtasun arrazoiengatik ez da zaindegi zerbitzurik egonogo, beraz, ez ezazu ekarri debekaturik dauden gauzak edo behar ez dituzunak.
A+ R A-

BONOAK ETA ESKUMUTURREKOAK

Eguneko sarrerek ez daramate eskumuturrekorik; beraz, jaialdi-barrutitik irtenez gero, ezin izango zara berriro sartu.
Bonoak pertsona bakarrekoak eta besterenezinak izango dira; hortaz, bono batekin pertsona bakar bat baino ezin izango da jaialdiaren 3 egunetara sartu

ESKUMUTURREKOAK SARREREN ORDEZ

Bilbao BBK Live-rako sarrerak aldez aurretik eskuratu ahal izango dira BBKren bidez edo horretarako prestatutako guneetan (ikusi “Sarrerak”).

Bilbao BBK Live-k txarteldegiak izango ditu jaialdi-barrutian eta bertan sarrerak erosi, gonbidapenak edo akreditazioak jaso edo inprimatu gabeko BBKren sarrerak (Internet, tf.) jaso ahal izango dira. Hala ere, egokiena da Internet edo telefono bidez erositako sarrera hauek BBK-ko kutxazain zerbitzuanitzetan jasotzea. Sarrerak Jaialdiko egunetan ere erosi ahal izango dira Bilbao BBK Live-ko txarteldegietan. Txarteldegiko prezioa aldez aurretikoa baino garestixeagoa da. Organizazioa ez da salmenta-gune ofizialetik kanpo erositako sarreren egiazkotasunaren erantzulea izango.

Txarteldegi hauetako ordutegiak hurrengoak izango dira:

Osteguna:13:00h-1:00h
Ostirala: 15:00h-1:00h
Larunbata: 15:00h-1:00h

Aldez aurretiko bonoak zein jaialdiaren egunean bertan erosten direnak pultseren ordez aldatu beharko dira zerbitzu honetarako jaialdiak prestatu dituen txarteldegietan. Hauek jaialdiaren sarreran egongo dira “ESKUMUTURREKOAK” izenpean.

• Eskumuturrekoak hartzeko ordutegia honakoa izango da:
Osteguna, uztailak 12, – 13:00h-1:00h
Ostirala, uztailak 13, – 15:00h-1:00h
 

Eskumuturrekoak nahi beste aldiz sartzeko eta irteteko eskubidea emango dizu jaialdi-barrutian sartzen zarenetik goizaldeko 05:00 arte. Ordu horretatik aurrera irteten bazara, ezin izango zara hurrengo eguneko 16:30 arte berriro sartu, nahiz eta eskumuturrekoa izan. Sarreraren ordez eskumuturrekoa ematen dizuten unetik, eskumuturrekoa izango da kontzertu-barrutira sartzeko sarrera eta paperezko sarrera balio gabe geratuko da. Zain ezazu eskumuturrekoa, ez kendu, ez galdu, apurtu edo beste norbaitekin aldatu, horrekin barrutira sartzeko eskubidea galduko baituzu. Era berean, segurtasun-langileek zure eskumuturrekoa apurtuta edo behartuta dagoela nabaritzen badute, ez dizute jaialdira sartzen utziko, beste norbaitekin aldatu duzula pentsatuko baitute.

BILBAO BBK LIVE JAIALDIKO ESKENATOKIAK

Bilbao BBK Live jaialdiko musika guztia hiru tokietan biltzen da: bi eskenatoki nagusietan eta Dj-karpan. Heldu bezain laster, jaialdiko bazter guztiak bisitatzea gomendatzen dizugu, orientatzeko eta eskaintzen ditugun zerbitzu guztiak ezagutzeko.

OBJEKTU ARRISKUTUSAK

Debekatuta dago jaialdira objektu zorrotzak, beirazkoak, metalikoak, jaurtigaiak, suharberak edo kontundenteak sartzea. Beirazko ontzietan edo latetan sartuta doan janari edo edaria ere debekatuta egongo da. Sarreran miaketa bat egingo dizugu, guztion segurtasunagatik. Mesedez gurekin elkar lan egin eta arin etorri Bilbao BBK Live-era.

KANPALEKUA

camping

Bi kanpaleku egongo dira Bilbao BBK Live’ra doazen guztientzat. Biak jaialdiko sarreratik gertu egongo dira (planoa begiratu)

Debekatuta dago autoak kanpalekuetara sartzea (rulot-ak, karabanak, furgonetak, kotxeak, motorrak...). Autoak aparkalekuetan utzi beharko dira eta festibaleko eremura doaneko autobusetan igo.

Kanpatzeko gunean janaria eta edaria sar daiteke. Jaialdiko-barrutian, ordea, ezin da ez janaririk ez edaririk sartu.

Kanpalekuaren edukiera mugatua da. Bertan dutxak eta komunak egongo dira baina ez dago elektrizitaterik. 

NOIZ IREKITZEN DA KANPALEKUA?

Kanpalekua uztailaren 11an, asteazkena, 18:00etan irekiko da, eta zabalik mantenduko da igandeko 14:00ak arte (uztailak 15).

ZERBITZU MEDIKUAK

Jaialdiaren sarreran zerbitzu medikoak egongo dira, osagileekin, teknikari sanitarioekin, anbulantziekin, larrialdietarako ospitalearekin… Gaixo zentitzen bazara edo istripuren bat bizi ala ikusten baduzu, hona jo, eta berehala tratatzea eska ezazu. Era berean, babes zibileko ordezkaritza bat egongo da.

GUNEA ZAINDUZ

Bilbao BBK Live aparteko kokapena dauka: Kobetamendi. Jaialdia Kobetaseko gainaldean dagoen parkean kokatuta dago, Bilbo hiriko aparteko bistak dituena. Eremu natural honen garbitasuna eta kontserbazioa gure helburu nagusienetarikoa da eta espero dugu zurea ere izatea.


Paperontziez gain, kontainerrak egongo dira barrutiko hainbat lekutan, mesedez, erabili itzazu. Jaialdiko barretan plastikozko edalontzi birziklagarriak baino ez dira emango.

JANARIA ETA EDARIA

Jaialdiko hainbat lekuetan barrak aurkituko dituzu ur minerala, garagardoa, edari energetikoak, ogitartekoak, sandwichak… erosteko.

Janaria eta edaria erosteko aldez aurretik ticketak eskuratu behar dira jaialdiko eremuko hainbat tokitan egongo diren lehiatiletan. Ez itxaron azken momentura arte ticketak eskuratzeko, zuhur ibili eta jaialdian sartzerakoan eskuratu, ilarak saihesteko.

Jaialdiaren barrutian ezin da janaririk ez edaririk sartu.